第五章上
豪b坐左係个木凳上，豪b抱住我，个头训左我肩头到……我真係唔知点面对佢好！或许佢付出左既係佢既身躯，我只係一个依赖佢既寄生虫。头先我重冇阻止呢件事发生，我係咪一个人渣。过左五分钟，我只手轻轻一推，推开左豪b！
我：「时间都唔迟！我听日重要返工，我都要返去抖下！」
豪b：「我都明既！不如我地一阵打的好……唔……」
当豪b未讲完佢想讲既野，我一句好快口咁讲左出黎！
我：「都係唔好，我都有d野买！你自己搭的士啦！我行先呀，你小心返去啦！听日见……」
我真係好唔想同佢一齐走，因为係呢一刻我身边既豪b好唔熟悉，好似一个唔係平时识落既豪b。由呢一刻起，我只好好谂下豪b再係唔係好既老死。当我同佢讲左呢句说话既时候，豪b都係叻人黎，点会唔明我谂咩呀。佢只好一脸失望……
豪b：「既然係咁！大家分开走啦！」
豪b呢一句好明显带住失望、理解、接受。我返到屋企，我整晚谂紧点面对豪b，正当我想训既时候……l传黎
豪b：「训左未？」
我：「……」
豪b：「可唔可以当今日咩事都冇发生过？」
我过左五分钟都冇回覆。
豪b：「今日唔係我叫你黎！我谂係俊哥偷偷地用左我个电话叫你黎做gym！我都唔想比你知我係基！同埋我屋企真係好等钱用，希望你了解我做既事係为左我家人。我唔想你离开我！你係我最好既老死！冇左你，我唔知点呀！」
到左第二日返工，我个组同事呀希同呀正係到。
呀希：「大个仔啦！琴日好玩吗？」（好似知咩事）
呀正：「使咩问呀！琴日俊哥讲明健身中心单野你（我—j）跟埋，我想去都冇得去呀。」
我呢个时候只係当冇事发生，一声不发！当我放下公事包，开住电脑既一刻，我眼角见到豪b返到黎。大家好似平时坐低做野，唔同既係大家今日冇任何交流。到左三点，我都要去上环搵leo签约。当我起身果一下，豪b望一望我，好似有野想同我讲咁。但係佢之后望番电脑……唔知点解果一刻我好似好失望，不过算啦！
一个人独自行经马路，唔知点解经过m记。脑海突然谂起豪b同我见工果时既记忆，心入面好想知，点解人会变成咁。唔通钱真係改变人既一切？企係m记果一分钟，好似过左十年咁。脑海好似录影带，播放同豪b既回忆……
小学老师：「大家好！小朋友，你地小一啦！我係你地既班主任罗老师！」
同学们：「罗老师好！」
罗老师：「我而家叫唔同既小朋友介绍下自己先！就果个肥仔啦！」
豪b：「你係咪叫我？」
呢个肥仔一起身，成个人扑低左。咁岩我就坐係佢左面，呢个肥仔都整到我扑低左，真係嬲到爆。豪b同我第一次交流，相信係呢次啦。过左一排，唔知点解日日返学放学都见到呢个肥仔。
我：「你重咩日日跟住我呀？」
豪b：「边有跟你？」
我：「我返屋企，你就跟住黎！烦到死！」
豪b：「我先唔跟你！你一阵先行！」
我：「我先唔同你行！」
点知差唔多返到去，我就见到豪b原来同我同一栋大厦。但係点解后尾我地称兄道弟呢？因为有次我係楼下公园见佢比d大哥哥打，我谂都唔谂过去帮佢。我一口咬住打佢果个人，点知连我都比人打埋。好在咁岩有警察经过，我同佢就冇事啦。果次之后，虽然我地各自都比呀妈打左一身，但係豪b係果一刻就每一日都倍住我。无论返学，放学，出街，拍拖等等。一切一切好似唔可以遗忘……
时间过得好快，同leo倾完份约啦。头先去佢公司果时，重要好惊。真係好怕好似上一次咁，但係好在佢公司好多人姐。係时候都要食饭，呢个时候电话响起……
豪b：「你係边呀？我未食野！」
我：「上环！做咩？」
豪b：「今晚打冷好唔好？」
我谂左五，六秒……
我：「好呀！你係铜记等我呀！我都要买d野！」
到左铜记之后，我係买完野，一出黎雨落得好大。我见到豪b，佢用一个好开心既表情望住我！我行过去旁边……
我：「做咩成身湿哂呀？」
豪b：「我係中环知道同你食饭，好快过黎，唔记得拎伞！」
唔知点解，我个心唔係好舒服！係公事包入面拎左条手巾仔……
我：「傻左呀你！一阵搭巴士冻亲呀！咁大个人都唔识照顾自己！自己印下个头啦！」
豪b：「哦！」
豪b好似成只绵羊仔咁！我叫佢做咩，佢就做咩。佢一手拎起我把伞开左，左手揽住我，右手拎住伞。
豪b：「呀晨！今日我黎服务你啦！」
我：「唔好揽住我呀！核突呀你！我唔係gay呀！」
豪b：「大雨呀！唔好出声好唔好！」
之后豪b就揽住我过马路，我个心唔知点解好开心。我感受到佢身体既体温，胸膛之后，重有香水既味道。我好似一个少女咁，超级唔好意思。当我到左巴士站，定一定神之后，我本能反应推开左豪b！
我：「你排住队！巴士到左，我同你上车！」
点知，巴士好快到左。我同豪b坐埋一齐，大家都好似好累。但平时我係巴士係训唔到，眼见豪b係我旁边训左，佢个头就放左係我肩头上面。
喜欢港仔系列-保险呀晨请大家收藏：(m.dmbook1.com),飞卢小说网更新速度最快。